Home

 

στα ελλινικα εδο

 

 

 

 

GJYQI I VRASESIT TE EDISON JAHAJT

 

Natën e parë të vitit 2006, kur ndërrimi i viteve festohej  në të gjithë Greqinë, në Rethimno  masakrohej, një tjetër emigrant, nga dora e një tjetër racisti grek, i cili ishte ofenduar nga sjellja “provokuese” e një emigranti që kishte guxuar të qarkullonte me bluzë me flamurin shqiptar. Emigranti 17-vjeçar është një tjetër viktimë e racizmit të vendasve ndaj nesh, pasi të vetmen gjë që ai bëri, i vetmi “krim”që kreu, ishte mbartja e tabelës, emigrant shqiptar.

Dora e qytetarit grek të ofenduar, ishte armatosur për vite me radhë nga klima ksenofobike që ekziston në realitetin grek, nga mos reagimi ynë ndaj akteve të tilla në të kaluarën, nga operacionet famëkeqe “fshesa të ndërmarra nga policia greke. Ishte armatosur nga fakti që  emigrantët shihen vetëm si mjete përfitimi dhe si njerëz të kategorisë së tretë nga pjesa me e madhe e shoqërisë greke, nga politika raciste e shtetit grek e shfaqur nëpërmjet ligjeve absurde të emigracionit. Dora  e tij ishte armatosur nga politika e papërgjegjshme dhe racist-nxitëse e  mas-mediave, nga mos dënimi i autorëve nga gjykatat, veçanërisht kur ata bëjnë pjesë në radhët e policisë greke.

 Kur gjithë kjo klimë e mbjellë, arriti kulmin dhe racizmi shpërtheu në një agresivitet të paparë në pogromin e 4 Shtatorit të 2004, shumë qarqe politike dhe mediat nxituan ta kamuflonin atë duke ia hedhur fajin «provokimeve» të emigrantëve shqiptarë. Perceptime të tilla jo vetëm që pengojnë integrimin tonë normal në shoqërinë greke dhe mbjellin një klimë dyshimi kundrejt emigrantëve por i  japin gjithashtu një hov sulmeve jo të pakta raciste kundrejt nesh.

Më 22 shkurt 2007 zhvillohet në Kretë seanca gjyqësore e vrasësit të  Edisonit,

por siç e dimë pushteti gjyqësor me vendimet e tij, jo vetëm që nuk ka mbajtur një qëndrim objektiv ndaj emigrantëve, por në të shumtën e rasteve vendimet e këtij institucioni kanë qenë raciste. Sensibilizimi dhe organizimi i vetë ne emigrantëve duke pasur solidaritetin e asaj pjese të shoqërisë greke e cila na mbështet, janë mënyrat e vetme  për të fituar dhe mbrojtur të drejtat tona e për tu bërë ballë këtyre sulmeve raciste.

 

                          FORUMI I EMIGRANTËVE SHQIPTARË

                                                                    

                                                                                                                           Athinë, Shkurt 2007

Spiro Trikupi 43, Eksraqia
E-mail: feshorg@yahoo.com
Tel/fax: 2108848173 

 

--------------------------------------------------

 

Iraklio

 

Dënimin  më të lartë i dha, Të Premten në mbrëmje, Gjykata e Iraklios 19- vjetarit Jorgo G., i cili natën e parë të 2006 masakroi me 17 thika 17-vjeçarin shqiptar Edison Jahaj, në shtëpinë e të fundit në Rethimno.

 

Trupi gjykues e gjykoi të fajshëm pa asnjë masë lehtësuese dhe i dha dënimin me burgim të përjetshëm, gjithashtu dhe dënimin me 28 muaj heqje lirie për akuzat e tjera (armëmbajtje pa leje, përdorim arme zjarri, prishje e qetësisë familjare)

 

Edhe pesë të akuzuarit e tjerë për të njëjtën çështje u gjykuan të fajshëm për të njëjtën akuzë , të thjeshtë bashkëpunimit. Si pasojë, për katër prej tyre- babanë dhe tre shokët- pati përmbysje të pjesshme të akuzës, pasi u nxorën para gjyqit për bashkëpunim të drejtpërdrejt. E akuzuara Bullgare u përball që në fillim me akuzën thjesht të bashkëpunimit.

 

Dënimet e dhëna janë për të atin e autorit dhe një nga shokët e tij 21 vjet e 11 muaj dhe për të tjerët nga 10 deri 14 vjet.

 

Përveç autorit të krimit, në burg u dërguan i ati dhe një shok i tij, pasi apelimi i tyre  nuk kishte karakter pezulluese.  

news.in.gr  24.02.2007

 

 

στα ελλινικα εδο

 

 

 

 

Home

 

top of the page